ამერიკის შეერთებული შტატების სახელმწიფო მდივნის, ენტონი ბლინკენის განცხადებით, მოლაპარაკებები ღაზაში ცეცხლის შეწყვეტასა და მძევლების გათავისუფლებაზე შეთანხმებას "უახლოვდება".
ბლინკენი, რომელიც ახლო აღმოსავლეთში კიდევ ერთხელ ჩავიდა, ეგვიპტეში დღეს გაემგზავრება, რათა არაბ ლიდერებს შეხვდეს, ხოლო ისრაელში პარასკევს ჩავა.
"კატართან, ეგვიპტესთან და ისრაელთან ერთად ძალიან გულმოდგინედ ვმუშაობდით, რათა მაგიდაზე ძლიერი შეთავაზება დაგვედო. ჩვენ ეს შევძელით; ჰამასი ამას არ მიიღებდა. ისინი დაბრუნდნენ სხვა თხოვნით, სხვა მოთხოვნებით. მომლაპარაკებლები ახლა ამაზე მუშაობენ", - თქვა ბლინკენმა.
თავის მხრივ ჰამასის წარმომადგენლის უსამა ჰამდანის თქმით, ისრაელის რეაქცია ჰამასის შეთავაზებაზე "მთლიანობაში ნეგატიური" იყო და მათ მოთხოვნებს არ ითვალისწინებდა. გასულ კვირის წინადადება 700-დან 1 000-მდე პალესტინელი პატიმრის მძევლებისთვის სანაცვლოდ გათავისუფლებას მოიცავდა.
დახურვა